කනවා නොව කැවෙත්

බොනවා නොව පෙවෙත්

...වා නොව ...වෙත්

ඇස් ගෙඩි ලොකු කරං

කන් පෙති කුලු කරං

හැකර (/ මකර) කට ආ කරං

“තොරතුරු” (දැනගැනීම) “වාර්තා” (කිරීම) මොක වෙතත්

හිරිකිතක් විලිබියක් (ගෑවිලා වත්) නැතත්

දහසකුත් “පුවත්” කියනා විපත්

එක කටට ඇද බාත්

එක කටට ගිල දමත්

රට-තොට ලෝ තතු

පාර්ලිමේන්තු

තොරතුරු දැනගතු

නැතිනම් නිදි නැතු

හය, හයයි-තිහ ඒ එම්

හය, හයයි-තිහ පී එම්

පැය, පනස්පහ දෙකම එම්

එකම මතුරන (/ දොඩවන) ටීවි එෆ්එම්

පැයෙන් පැය වරින් වර

රැයින් රැය බරින් බර

උදෙන් රැය එයින් ජර

කයින් ලය හිතෙන් මර

බ්‍රේකිං සම්ටයිම්ස්

හා(ර්)ට් බ්‍රේකිං ඇට් ටයිම්ස්

වෙබ්-බුක්-ටියුබ්-පත්තර ටයිම්ස්

මේනියාවකි නිවුස්

උදේට නැඟිටෙත්

දවල්ට දිවවෙත් 

රෑට සමවැදෙත්

මහ රෑ දෙඩවෙත්

කැස්සක් කොස්සක් යන්නටවත් බෑ

අස්සක් මුල්ලක් නෑර අටවගෙන (/ ඔටවගෙන)

සිත වනසන දහසක් අස්සේ

සිත සනසන එකක් ද ලිස්සේ

දත නියවන සහසක් පස්සේ

අත ගුළිවන රහසක් කැස්සේ

වෙස්වළාගෙන එන මේ මේනියාවේ

තොරතුරු දැන ගැනීම හොඳ එකකි

වාර්තා කිරීම ද හොඳ එකකි

විකුණං කෑම වෙන එකකි

තව තව ඒවා වෙන වෙන එක එකකි

මේනියාව තව වෙනම ම එකකි.